ಸ್ವಲ್ಪ ಮರಕುಟುಕ ಪಕ್ಷಿಯನ್ನು ಹೋಲುವ ಈ ದೈತ್ಯ ಪಕ್ಷಿ ದಕ್ಷಿಣ ಮತ್ತು ದಕ್ಷಿಣ ಪೂರ್ವ ಏಷ್ಯಾ ಖಂಡಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಇದರ ಸಂತಾನಾಭಿವೃದ್ಧಿಯದೊಂದು ಸೋಜಿಗದ ಕಥೆ. ಸಂತಾನೋತ್ಪತ್ತಿ ಸಮಯದಲ್ಲಿ ಗೂಡನ್ನು ಆಯ್ಕೆ ಮಾಡುವಲ್ಲಿ ಯಾವುದೇ ಆಸಕ್ತಿ ವಹಿಸದ ಗಂಡು ಪಕ್ಷಿ, ಹೆಣ್ಣು ಗೂಡನ್ನು ಆಯ್ಕೆ ಮಾಡಿ ಗೂಡಿನೊಳಹೊಕ್ಕು ಮೊಟ್ಟೆಗಳನ್ನಿಡುವ ಕಾಲಕ್ಕೆ, ಹೆಣ್ಣಿನ ಕೊಕ್ಕು ಮತ್ತು ಮುಂಬರುವ ಮರಿ ಹಕ್ಕಿಗಳ ಕೊಕ್ಕುಗಳು ಮಾತ್ರ ಹೊರಬರಲು ಅವಕಾಶ ಕಲ್ಪಿಸಿ ಇಡಿಯ ಗೂಡನ್ನು ಮಣ್ಣು, ಕಡ್ಡಿ, ಇನ್ನಿತರೆ ವಸ್ತುಗಳಿಂದ ಪೂರ್ತಿಯಾಗಿ ಮುಚ್ಚಿಬಿಡುತ್ತದೆ. ಗೂಡಿನಲ್ಲಿರುವ ಹಕ್ಕಿಗೆ ನಿತ್ಯವೂ ಆಹಾರ ಒದಗಿಸುವ ಜವಾಬ್ದಾರಿಯನ್ನು ಗಂಡು ಹಕ್ಕಿ ಹೊರುತ್ತದೆ. ಮರಿ ಹಕ್ಕಿಗಳು ರೆಕ್ಕೆ ಬಲಿತು ತಾಯಿಯೊಂದಿಗೆ ಮುಚ್ಚಿದ ಗೂಡನ್ನು ಒಡೆದು ಹೊರಬರುತ್ತದೆ.
No comments:
Post a Comment